ندى القصاص
هو مين اللى بيحكم مصر؟!
محدش يقولى مبارك وعائلته...هو النظام المباركى يقدر ياخد قرار "سيادى" بتحقيق الاكتفاء الذاتى من القمح؟! يقدر ياخد قرار "سيادى" باعادة الذهب الابيض...القطن المصرى ذى السمعة الدولية..كسلعة استراتيجية...
اذا مصر لا تستطيع ان تتخذ قرارا سياديا بتوفير رغيف العيش من عرقنا وأرضنا...فماذا يتبقى من قرارات سيادية لاى نظام حاكم؟!
مصر تقدر تاخد قرار "سيادى" باقامة مشروع توشكى...وتصرف فيه مليارات الدولارات...والعجيب انها لا يحق لها زراعة توشكى بقمح يحقق لها الاكتفاء الذاتى...لتحقيق أبسط حقوق المواطنة...رغيف العيش...
ولا تقدر تزرع قطن بسلالاته الآصلية وتحقيق اكتفاء ذاتى لكسوة الغلابة من القطن المصرى..دلوقت بيلبسوا قطن صيني!!!
ضحايا معارك أزمة رغيف العيش فى مصر وصلوا 33 قتيل...
مصر يحق لها أتخاذ قرارا "سياديا" جداااااااااا بغلق معبر رفح..وبناء جدار عازل بعشرة من شركات المقاولات المصرية وبميزانية سرية من عرقنا وقوتنا...لانه قرار "سيادى"
مصر يحق لها اتخاذ قرارا "سياديا" آآآآآآآآآآآآخر حاجة..بتصدير الغاز المصرى (لاسرائيل) بأقل من سعره الدولى والمحلى..بينما أهلها يتقاتلون على أنبوبة بوتاجاز وصل سعرها 70 جنيه
واضح جدا ان "السيادة" المصرية معناها...سيادة أمريكا و(اسرائيل)
اذن ببساطة...اللى عاوز يغير يقول لنا رأيه ايه فى اللى حاكم مصر فعليا..مش كمندوب...ولا كوموفلاج...ولا كستارة....انما فى الحاكم الفعلى صاحب "السيادة" الحقيقية فى مصر بعد توقيع اتفاقية كامب ديفيد....مصر فقدت السيادة السياسية والاقتصادية...وتنازلت عن سيادتها لسيادة أمريكا و(اسرائيل)
ايام الاحتلال البريطانى خلونا نحفر قناة السويس سخرة..بدم اجدادنا وعرقهم...لكن أدينا حررناها بدم ابناءنا...وأممناها..
النهاردة بيخلونا نبنى جدار عزل بعرقنا برضه ودمنا ودم اخواتنا فى غزة اللى بقدرة قادر بقوا مصدر الخطر المهدد للامن القومى المصرى!!!!!!!!!!
اللى عاوز يغير يقولنا حيحرر مصر ازاى من المحتل الحقيقي
وميضحكش علينا ويقولنا هاتوا توكيلات ووقعوا لى على بياض
التغيير مش داستور والنزول للناس مش فسحة يوم الجمعة فى حى الحسين
فيه ناس متلطعة ع الارصفة ونايمة فى الشارع بقى لهم أسابيع قصاد مجلس الشعب...علشان مصانعها اتباعت وحقوقها اتنهبت ومش لاقية تاكل...دول نموذج مصغر للناس المنهوبة فى مصر...نموذج واحد لـ 80 مليون مواطن...
حيتجمعوا كل العاملين فى المصانع والشركات اللى اتباعت اوتنهبت واترموا العالمين فهيا ع الرصفة..يوم 3 ابريل لما نشوف مين اللى ينزل لهم..ويقف معاهم
الديمقراطية فى بلد محتل...تبقى حكم ذاتى تحت اشراف الاحتلال
و"التعقل" و"الحوار" فى مواجهة محتل...معناها الاستعداد للاقتسام معاه...واحنا عقيدتنا ان بلدنا زى أمهاتنا متقبلش القسمة على خواجات
واللى بيفتح اول فرع له فى لندن...وسايب الناس الغلابة ع الرصيف محدش معبرها...يبقى بيلم نقوط
اللى كل ذخيرته شباب جندهم فريدم هاوس يلموا التوقيعات وتوكيلات....يبقى التوكيلات لفريدم هاوس وأجندتها....
مقام لا يليق بالشرفاء....وخاصة رئيس التحرير صاحب قلم...رصاص
ولا بطبيب واستاذ جامعى يحترمه ويجله كثيرين
ولا بأصحاب رؤى وطنية
فاضل فيك مين يا مصر ولا فاضلكم مين يا غلابة فى مصر
فيه ناس بيسمونا أيتام عبد الناصر....هى فعلا مصر اتيمت من بعده مش احنا بس
يا أبو الغلابة يا ناصر
له تمن حتى فى تربته...لنيل الرضى السامى لاصحاب "السيادة" فى الباب العالى الامريكانى الصهيوني.
ونبى تسلمولى ع الديمقراطية الأورديحي...يعنى من غير استقلال وطنى...يعنى حكم ذاتى...يعنى لعبة كراسى موسيقية....والعراق أهى شاهد...شالوا مالكى حطوا علاوى...
والمسرح بيتحضر..لايران
ومصر الجايزة الكبرى.... 80 مليون مواطن انباعوا فى لعبة توكيلات وحكم ذاتى ولعبة كراسى موسيقية...ودوامة نخبة بتتنافس ع اللى يقبض التمن
والله يرحمك يا ابو الغلابة
ليست هناك تعليقات:
إرسال تعليق